Բարսելոնան նոր պայմանագիր է առաջարկել Լևանդովսկիին․ Հարձակվողը ցանկանում է մնալ ակումբում

«Բարսելոնան» պայմանագիրը երկարաձգելու առաջարկ է Ռոբերտ Լևանդովսկիին:

Ֆուտբոլիստի գործող պայմանագրի ժամկետն ավարտվում է այս մրցաշրջանի վերջում: Լեհ հարձակվողի գործակալ Պինի Զահավին այս շաբաթ գտնվել է Բարսելոնայում՝ հանդիպելու կատալոնական ակումբի ներկայացուցիչների հետ և ծանոթանալու առաջարկի մանրամասներին:

Ինչպես հայտնում է Mundo Deportivo-ն, կատալոնական ակումբը մտադիր է ֆուտբոլիստին առաջարկել մեկ տարվա պայմանագիր՝ աշխատավարձի կրճատմամբ:

Հարձակվողի ծառայություններով հետաքրքրված են նաև «Միլանը», «Յուվենտուսը» և «Չիկագո Ֆայերը»: Նշվում է, որ Լևանդովսկու համար առաջնահերթությունը «Բարսելոնայում» մնալն է:

37-ամյա ֆուտբոլիստը «կապտանռնագույների» կազմը համալրել է 2022 թվականին ու ակումբի կազմում մասնակցած 186 խաղում դարձել է 118 գոլի ու 23 գոլային փոխանցման հեղինակ։