ԱԶ Ալկմարը հոլանդական ակումբերի շրջանում հակառեկորդ է սահմանել եվրագավաթներում

«ԱԶ Ալկմարը» դարձել է պատմության մեջ առաջին հոլանդական թիմը, որը եվրագավաթային խաղում պարտվել է երեք կամ ավելի գոլի տարբերությամբ, չնայած 70-րդ րոպեից հետո հաշիվը 0-0 էր, հայտնում է OptaJohan-ը X սոցիալական ցանցի իր էջում։

Կոնֆերենցիայի լիգայի քառորդ եզրափակչի առաջին խաղում «ԱԶ Ալկմարը» ջախջախիչ 0:3 հաշվով պարտություն է կրել Դոնեցկի «Շախտյորից»՝ գոլեր բաց թողնելով 71-րդ, 81-րդ և 83-րդ րոպեներին։ Թիմերի միջև պատասխան խաղը նախատեսված է ապրիլի 16-ին:

Մրցաշարի նախորդ փուլում «Շախտյորը» երկխաղյա դիմակայությունում առավելության էր հասել «Լեխ Պոզնանի», իսկ «ԱԶ Ալկմարը»՝ Պրահայի «Սպարտաի» նկատմամբ։ Հիշեցնենք՝ հոլանդական թիմը նաև «Նոայի» մրցակիցն էր անցումային փլեյ-օֆֆ փուլում:

Կոնֆերենցիայի լիգայի գավաթի գործող գավաթակիրը «Չելսին» է։ Նախորդ մրցաշրջանի եզրափակչում անգլիական ակումբը համոզիչ հաղթանակ է տարել «Ռեալ Բետիսի» նկատմամբ 4-1 հաշվով։