Ինտերն ընդհատել է Իտալիայի առաջնությունում 3-խաղյա առանց հաղթանակների շարքը

«Ինտերը»  Ա Սերիայի 31-րդ խաղում 5:2 հաշվով ջախջախել է «Ռոմային»։ Միլանյան ակումբը, այսպիսով, ընդհատել է Իտալիայի առաջնությունում երեք խաղից բաղկացած առանց հաղթանակների շարքը։

Ավելի վաղ «Ինտերը» դերբիում նվազագույն հաշվով պարտություն էր կրել «Միլանից», ինչպես նաև ոչ-ոքի էր խաղացել «Ատալանտայի» (1:1) և «Ֆիորենտինայի» (1:1) հետ։

Հաջորդ տուրում Քրիստիան Կիվուի թիմը կմրցի «Կոմոյի» հետ (ապրիլի 12-ին)։

«Ինտերը» գլխավորում է Իտալիայի առաջնության մրցաշարային աղյուսակը՝ 31 խաղում վաստակած 72 միավորով։ «Միլանը» երկրորդն է՝ 63 միավորով, իսկ «Նապոլին»՝ երրորդը՝ 62 միավորով։ «Նապոլին» և «Միլանը» միմյանց հետ կխաղան երկուշաբթի՝ ապրիլի 6-ին։