Ռոնալդուն խփեց կարիերայի 966 ու 967-րդ գոլերը․ Ալ-Նասրը 5 գնդակ ուղարկեց մրցակցի դարպասը (տեսանյութ)

Սաուդյան Արաբիայի Պրո լիգայի 27-րդ տուրում «Ալ-Նասրն» ընդունել էր «Ալ-Նաջմային» ու հաղթեց 5։2 հաշվով։

Պորտուգալիայի ազգային հավաքականի ավագ Կրիշտիանո Ռոնալդուն դուբլ ձևակերպեց՝ խփելով իր կարիերայի 966 ու 967-րդ գոլերը։ Ռոնալդուն աչքի ընկավ 56-րդ րոպեին, իսկ 73-րդ րոպեին դիպուկ իրացրեց 11-մետրանոցը։

«Ալ-Նասրից» դուբլ ձևակերպեց նաև Սադիո Մանեն (45'+9, 90'+5)։ Մեկ անգամ էլ աչքի ընկավ Աբդուլահ Ալ-Համդանը՝ 1-ին կեսին ավելացրած 8-րդ րոպեին։

Այս հաղթանակից հետո «Ալ-Նասրը» 70 միավորով գլխավորում է մրցաշարային աղյուսակը՝ ու 6 միավորով գերազանցում է 2-րդ տեղով ընթացող «Ալ-Հիլալին», որից 1 խաղ ավել է անցկացրել։