Տեստա. Ես ֆուտբոլիստներից շատ եմ մարզվում, բայց նրանց խոհարարներից քիչ վաստակում»

Բռնցքամարտի աշխարհի և Եվրոպայի չեմպիոն, Օլիմպիական խաղերի բրոնզե մեդալակիր Իրմա Տեստան արձագանքել է այն փաստին, որ Իտալիայի ֆուտբոլի հավաքականը երրորդ անգամ անընդմեջ դուրս չի եկել Աշխարհի առաջնության եզրափակիչ փուլ։

Իտալիան 11-մետրանոց հարվածաշարում պարտվել է Բոսնիա և Հերցեգովինային Աշխարհի 2026 թվականի առաջնության որակավորման փուլի փլեյ-օֆֆի եզրափակչում (1:1, 11-մետրանոցներ՝ 1:4)։

«Ես ավելի շատ եմ մարզվում, քան ֆուտբոլիստները, և ավելի քիչ եմ վաստակում, քան նրանց խոհարարները կամ դայակները: Չնայած դրան, երբ ես պարտվում եմ (այդ հազվադեպ պահերին), մեղք եմ զգում ամբողջ ազգի առջև, որն այնուամենայնիվ ինձնից ոչինչ չի պահանջում, քանզի զբաղված է ֆուտբոլ դիտելով։

Առաջ Իտալիա, պաստա և Տոտո Կուտունյո», – իր սոցիալական էջում գրել է 28-ամյա իտալուհին: