Չնայած մեծ առավելությանը, Գերմանիան դժվարությամբ հասավ հաղթանակի

Գերմանիայի հավաքականը Շտուտգարտում ընկերական խաղ անցկացրեց Գանայի ընտրանու հետ:

Յուլիան Նագելսմանի գլխավորած թիմը խաղի ընթացքում ուներ մեծ առավելություն, բայց դժվարությամբ կարողացավ հաղթանակի հասնել: Գրանցվեց 2:1 հաշիվը:

Առաջին խաղակեսին ավելացված երրորդ րոպեին Կայ Հավերցը 11-մետրանոց հարվածով առաջ մղեց «Բունդեսթիմին»:

70-րդ րոպեին Դերիք Քյոնի հիանալի անցումից ու փոխանցումից հետո պատասխան գոլը խփեց Իսահակու Ֆատավուն:

Աշխարհի քառակի չեմպիոնները հաղթանակ կորզեցին 88-րդ րոպեին Դենիզ Ունդավի գոլի շնորհիվ: Նրան ասիստ կատարեց Լերոյ Սանեն:

Երեք օր առաջ Գերմանիան 4:3 հաշվով հաղթել էր Շվեյցարիային: