Մեկնելու եմ ԱՄՆ՝ շարունակելու ելույթներս RAF լիգայում․ Արսեն Հարությունյան (տեսանյութ)

Hype Fighting-ում տոնած հաղթանակից հետո Եվրոպայի քառակի չեմպիոն Արսեն Հարությունյանը խոսել է հաղթանակի մասին․

«Գոտեմարտի մասին կասեմ, որ ոչինչ հեշտ չի տրվում։ Ես էի շատ լավ մարզավիճակում։ Ես հավաքներից միանգամից այստեղ եմ մեկնել։ Մենք Վրաստանում հավաք էինք անցկացնում, վերջին մարզում չեմ կատարել, եկել եմ այստեղ՝ գոտեմարտի։ Լավ մարզավիճակում էի, դրա համար հեշտ տրվեց հաղթանակը։ Ուզում էի ավելի շատ այնպիսի հնարքներ անել, որ խաբեի մրցակցիս, իսկ մրցակիցն ինձ  շատ լավ չէր ճանաչում, դրա համար խաբելը հեշտ էր տրվում»,-նշել է Հարությունյանը։

Ըմբիշը տեղեկացրել է նաև, որ մեկնելու է ԱՄՆ ու ելույթները շարունակելու է RAF լիգայում։ 

Մանրամասն տեսանյութում․

Նշենք, որ RAF լիգայում է հանդես գալիս նաև UFC-ի մարտիկ Արման Ծառուկյանը, որը լիգայի շրջանակներում այս գիշեր կգոտեմարտի իտալացի Ջորջիո Պուլասի հետ։

Հիշեցնենք, որ Երևանում կայացած Hype Fighting երեկոյի ընթացքում Հարությունյանի բացի ելույթ ունեցան Հայաստանի ևս 5 ներկայացուցիչներ։

MMA-ի իրենց մենամարտերն 1-ին ռաունդում ավարտեցին Դավիթ Խաչատուրյանը, Կամո Ունանյանն ու Դավիթ Խաչատրյանը։ MMA-ում մենամարտելուց հետո մարզիկները ձեռք էին բերել պայմանավորվածություն ռևանշ մենամարտ անցկացնելու՝ «մերկ բռունցքներ» ձևաչափով, որում ևս հայ մարզիկը հաղթանակի հասավ։

Իրենց մրցակիցներին զիջեցին Սեյրան Ասատրյանն ու Մհեր Մադաթյանը։