Hype Fighting. 38 վայրկյանում Կամո Ունանյանը հաղթեց իրանցի մրցակցին

Երևանում ընթացող Hype Fighting-ի երեկոյի MMA-ի հերթական մենամարտում Կամո Ունանյանը մրցում էր իրանցի Ամիր Բահրամնեջանի հետ ու հաղթեց 1-ին ռաունդում։

Մենամարտը տևեց ընդամենը 38 վայրկյան։ Կարատեի աշխարհի ու Եվրոպայի նախկին չեմպիոն Ունանյանը ագրեսիվ սկսեց պայքարը, տեղափոխեց մրցակցին պարտեր, որտեղ կիրառելով խեղդող հնարք՝ ստիպեց հանձնվել մրցակցին։

Ավելի վաղ, երեկոյի ընթացքում Հայաստանի ներկայացուցիչներից հաղթանակ է տոնել նաև Դավիթ Խաչատուրյանը՝ ուզբեկ Նուրմուհամեդ Նուրիդինովի նկատմամբ։ Խաչատրյանը նույնպես կիրառել էր խեղդող հնարք ու հաղթել 1-ին ռաունդում։

Հայաստանի ներկայացուցիչներից իրենց ելույթներն ավարտել էին Մհեր Մադաթյանն ու Սեյրան Ասատրյանը։

Մադաթյանը մրցում էր Ղազախստանը ներկայացնող Կուզկեն Աբլահյանի հետ ու պարտվեց տեխնիկական նոկաուտով՝ 3-րդ ռաունդում։ Սեյրան Ասատրյանի մրցակիցն էլ ղազախ Տիմուր Կուանիշն էր։ Ասատրյանը, որը մենամարտին պատրաստվելու համար ուներ 2 օր ժամանակ, պարտվեց մրցավարների միաձայն որոշմամբ։

Այս երեկոյի ընթացքում հանդես կգան Հայաստանի ևս 2 ներկայացուցիչ։ Դավիթ Խաչատրյան MMA-ի մենամարտ կանցկացնի Ղազախստանը ներկայցնող Սերիկ Սարմուհամեդի հետ։

Ըմբշամարտի Եվրոպայի քառակի չեմպիոն Արսեն Հարությունյանն էլ ըմբշամարտի գոտեմարտ կանցկացնի ղազախ Բագդատ Ժուբանիշի հետ։