Ցավոք, այս օրը եկավ. Սալահը հեռանում է Լիվերպուլից

Եզրային հարձակվող Մոհամեդ Սալահը կհեռանա «Լիվերպուլից» մրցաշրջանի ավարտից հետո: 33-ամյա եգիպտացին իր որոշման մասին հայտնել է սոցիալական ցանցերում հրապարակված տեսաուղերձի միջոցով:

«Ողջույն բոլորին: Ցավոք, այս օրը եկավ: Սա իմ հրաժեշտի առաջին մասն է: Ես կլքեմ «Լիվերպուլը» մրցաշրջանի ավարտից հետո»,- ասվում է Մոհամեդի հաղորդագրության մեջ:

Սալահը «Լիվերպուլում» հանդես է գալիս 2017 թվականից: «Մերսիսայդցիների» կազմում նա անցկացրած 435 խաղում դարձել է 255 գոլի հեղինակ և կատարել 122 գոլային փոխանցում:

33-ամյա ֆուտբոլիստն ակումբի հետ նվաճել 9 տիտղոս, այդ թվում՝ Պրեմիեր լիգայի երկու չեմպիոնություն և Չեմպիոնների լիգայի գավաթը: