Դե Ձերբին Տոտենհեմը գլխավորելու թեկնածուներից մեկն է. Իտալացի մարզիչը մեկ նախապայման ունի
«Բրայթոնի» և «Մարսելի» նախկին գլխավոր մարզիչ Ռոբերտո Դե Ձերբին պատրաստ է գլխավորել Լոնդոնի «Տոտենհեմում»։ Այս մասին հայտնում է The Telegraph պարբերականը։
Միջազգային խաղերով պայմանավորված դադարի ընթացքում «Տոտենհեմի» ղեկավարությունը պետք է վերջնական որոշում կայացնի ժամանակավոր մարզիչ Իգոր Տուդորի վերաբերյալ, որը չկարողացավ կայունացնել թիմի խաղը։ Ըստ աղբյուրի՝ նույնիսկ եթե Տուդորը մնա իր պաշտոնում մինչև մրցաշրջանի ավարտը, նա հաջորդ տարի չի շարունակի աշխատանքն ակումբում։
Ակումբի նոր գլխավոր մարզչի թափուր տեղի համար դիտարկվում են 2 հիմնական ֆավորիտներ՝ Մաուրիսիո Պոչետինոն, որը գլխավորելու է ԱՄՆ-ի ազգային հավաքականը 2026 թվականի աշխարհի առաջնության ժամանակ և Դե Ձերբիբ, որը հունվարին «Մարսելից» հեռանալուց հետո չի զբաղեցնում որևէ պաշտոն։
Չնայած իտալացի մասնագետը համարվում է նաև «Լիվերպուլը» գլխավորելու հնարավոր թեկնածուներից մեկը (Սլոթի հեռանալու դեպքում), նա կդիտարկի «Տոտենհեմի» առաջարկը, եթե թիմը խուսափի ԱՊԼ-ից դուրս մնալուց և Չեմպիոնշիփում հայտնվելուց։
