Ռեալն աշխատում է Վինիսիուսի հետ պայմանագիրը երկարաձգելու ուղղությամբ․ Պերեսն անձամբ է հետևում գործընթացին

Մադրիդի «Ռեալը» ակտիվորեն աշխատում է բրազիլացի վինգեր Վինիսիուս Ջունիորի հետ գործող պայմանագիրը երկարաձգելու ուղղությամբ։ Այս մասին հայտնում է ինսայդեր Ֆաբրիցիո Ռոմանոն՝ X-ի իր էջում։

Ըստ աղբյուրի փոխանցած տվյալների՝ իսպանական ակումբի ղեկավարությունը չափազանց գոհ է ֆուտբոլիստի ցուցադրած խաղից, իսկ «արքայական» ակումբի նախագահ Ֆլորենտինո Պերեսն անձամբ է շահագրգռված, որ բրազիլացին նոր պայմանագիր ստորագրի։ Այժմ ամեն ինչ կախված է Վինիսիուսի որոշումից. բանակցությունները շարունակվում են։

Վինիսիուսը «Ռեալի» գույները պաշտպանում է 2018 թվականի ամռանից։ Ընթացիկ մրցաշրջանում հարձակվողը բոլոր մրցաշարերում մասնակցել է 43 հանդիպման, դարձել 17 գոլի և 12 գոլային փոխանցման հեղինակ։

Ըստ Transfermarkt հեղինակավոր պորտալի տվյալների՝ ֆուտբոլիստի շուկայական արժեքը ներկայումս գնահատվում է 150 միլիոն եվրո։