Բորուսիայի հարձակվողը կարող է տեղափոխվել Բարսելոնա

«Բարսելոնան» հետաքրքրված է Դորտմունդի «Բորուսիայի» հարձակվող Սերու Գիրասիով։ Կատալոնական ակումբը մտադիր է բանակցություններ սկսել 30-ամյա ֆուտբոլիստի տրանսֆերի շուրջ։ Այս մասին հայտնում է Sport.es-ը։

Աղբյուրի տեղեկություններով՝ գվինեացի հարձակվողի հնարավոր տեղափոխությանը կարող է խոչընդոտել «Ալ-Իթիհադը», որը նրան դիտարկում է որպես թիմից հեռացած Կարիմ Բենզեմայի փոխարինող։ Նշվում է, որ սաուդյան ակումբը մտահոգված է «Բարսելոնայի» հետաքրքրությամբ Գիրասիի նկատմամբ, որը պատրաստ է ամռանը լքել դորտմունդյան թիմը։

Ընթացիկ մրցաշրջանում հարձակվողը մասնակցել է 39 հանդիպման բոլոր մրցաշարերում՝ դառնալով 18 գոլի և 6 գոլային փոխանցման հեղինակ։