Ա Սերիայի 11 տարբեր ակումբներ. Միլանի նախկին մարզիչը ռեկորդ սահմանեց

«Կրեմոնեզեի» նոր գլխավոր մարզիչ է նշանակվել Մարկո Ջամպաոլոն, հայտնում է իտալական ակումբի կայքը:

58-ամյա մասնագետն այդ պաշտոնում փոխարինել է Դավիդե Նիկոլային: Մարկոն վերադարձել է ակումբ, որը մարզել էր 2014/15 մրցաշրջանում, երբ թիմը հանդես էր գալիս C Սերիայում:

Ինչպես հայտնում է Opta-ն, Ջամպաոլոյի համար սա 11-րդ իտալական ակումբն է Ա Սերիայում իր մարզչական կարիերայի ընթացքում: Այս ցուցանիշով նա կրկնել է Ալբերտո Մալեզանիի և Կառլո Մացոնեի ռեկորդը: Մարկոն առավել հայտնի է «Միլանում» (2019/20 մրցաշրջանի մեկնարկում), «Սամպդորիայում» և «Տորինոյում» կատարած աշխատանքով:

Իտալիայի առաջնության 29 տուրերից հետո «Կրեմոնեզեն» վաստակել է 24 միավոր և մրցաշարային աղյուսակում զբաղեցնում է 18-րդ տեղը: