Սկանդալ. Սենեգալին տեխնիկական պարտություն է գրանցվել Աֆրիկայի ազգերի գավաթի եզրափակչի՝ Մարոկկոյի դեմ խաղում

Աֆրիկյան ֆուտբոլի կոնֆեդերացիան (CAF) իր պաշտոնական կայքում հայտարարել է, որ Սենեգալը պարտվել է Աֆրիկայի Ազգերի գավաթի եզրափակչի՝ Մարոկկոյի դեմ խաղում։

«Աֆրիկյան ֆուտբոլի կոնֆեդերացիայի (CAF) վերաքննիչ խորհուրդը որոշել է, որ Աֆրիկայի Ազգերի գավաթի կանոնակարգի 84-րդ հոդվածի համաձայն՝ Սենեգալին տեխնիկական պարտություն է գրանցվել 2025 թվականի Աֆրիկայի Ազգերի գավաթի եզրափակչի՝ Մարոկկոյի դեմ խաղում։ Հետևաբար, խաղի արդյունքը գրանցվել է 3-0 հաշվով՝ հօգուտ Մարոկկոյի ֆուտբոլի ֆեդերացիայի (FRMF)», - ասվում է CAF-ի հայտարարության մեջ։

Հիշեցնենք, որ մրցաշարի վճռորոշ խաղում Սենեգալը լքել է խաղադաշտը 90+8-րդ րոպեին՝ Բրահիմ Դիասի նկատմամբ խախտման համար նշանակված 11 մետրանոց հարվածից հետո։ Խաղը վերսկսվել է 13 րոպե անց և ավարտվել է Սենեգալի ազգային հավաքականի՝ 1-0 հաշվով հաղթանակով։