ՈՒԵՖԱ-ն գործ է հարուցել Չելսիի խաղացողի դեմ. նա ՊՍԺ-ի դեմ ՉԼ խաղի ժամանակ հրել էր գնդակ մատակարարող տղային

ՈՒԵՖԱ-ն կարգապահական վարույթ է սկսել «Չելսիի» կիսապաշտպան Պեդրո Նետոյի նկատմամբ, հայտարարել է կազմակերպության մամուլի ծառայությունը։

Պորտուգալացի կիսապաշտպանը Չեմպիոնների լիգայի 1/8 եզրափակչի՝ ՊՍԺ-ի դեմ առաջին խաղում (2-5) հրել է գնդակ մատակակարող տղային։

Տղան դանդաղել է գնդակը պորտուգալացի կիսապաշտպանին ավելացված ժամանակում փոխանցելիս, ինչի պատճառով խաղացողը հրել է նրան. վերջինս ընկել է գետնին։ Միջադեպը վերանայվել է VAR համակարգի կողմից՝ հնարավոր կարմիր քարտի համար, սակայն «Չելսիի» հարձակվողը խուսափել է որևէ պատժից։

Նետոն ներողություն է խնդրել տղայից և եզրափակիչ սուլիչից հետո նրան նվիրել է իր մարզաշապիկը։