Միլանը հաղթեց Ինտերին․ Մխիթարյանը մասնակցեց հանդիպմանը (տեսանյութ)

Իտալիայի առաջնության 28-րդ տուրում «Ինտերը» հյուրընկալվել էր «Միլանին» ու զիջեց նվազագույն հաշվով։ Հանդիպման միակ գոլը հեղինակեց Պերվիս Էստուպինյանը՝ 35-րդ րոպեին։

Հայաստանի ազգային հավաքականի լավագույն ռմբարկու Հենրիխ Մխիթարյանն ընդգրկված էր հյուրերի մեկնարկային կազմում ու փոխարինվեց 59-րդ րոպեին։ Ազգային ընտրանու նախկին ավագը 34-րդ րոպեին, կիսադաշտից միայնակ շարժվելով մրցակցի տուգանային հրապարակ, մեն-մենակ մնաց «Միլանի» դարպասապահ Մայք Մանյանի դիմաց, սակայն դարպասը գրավել չհաջողվեց։

Հանդիպման ամենաքննարկվող դրվագներից մեկը հիմնական ժամանակին ավելացրած 5-րդ րոպեին էր, երբ գնդակը դիպավ «Միլանի» պաշտպան Սամուել Ռիչիի ձեռքին, սակայն հանդիպման գլխավոր մրցավարը Դանիելե Դովերին չնշանակեց 11-մետրանոց։



Այս հաղթանակից հետո «Միլանը» 60 միավորով 2-րդ տեղում է և 7 միավորով զիջում է «Ինտերին»։

Իտալիայի առաջնության ավարտին մնացել է 10 տուր։