Ցանկանում ենք անհնարինը դարձնել հնարավոր․ Ֆլիկ

«Բարսելոնայի» գլխավոր մարզիչ Հանս-Դիտեր Ֆլիկը կիսվել է սպասելիքներով Իսպանիայի գավաթի խաղարկության կիսաեզրափակիչի՝ Մադրիդի «Ատլետիկոյի» դեմ պատասխան հանդիպումից առաջ:

Առաջին խաղում մադրիդցիները վստահ հաղթանակ են տարել 4:0 հաշվով, և այժմ կատալոնացիները սեփական հարկի տակ պետք է փորձեն հետ բերել կորցրածը:

«Կարծում եմ՝ բոլորն էլ հասկանում են՝ մենք հետ ենք մնում 4 գնդակով և ցանկանում ենք անհնարինը դարձնել հնարավոր: Մենք չենք պատրաստվում հանձնվել և պետք է հավատանք ինքներս մեզ: Սա չափազանց կարևոր հանդիպում է։

Ավելի լավ է, որ մենք գոլի հեղինակ դառնանք առաջինը։ Մենք պետք է լինենք խելացի և նպատակասլաց։ Դա կար «Վիլյառեալի» հետ խաղում. մենք արագաշարժ էինք ու ինտենսիվ… Անհրաժեշտ է խաղալ որպես թիմ և որպես մեկ ամբողջություն», — Ֆլիկի խոսքերը մեջբերում է Marca-ն։

«Բարսելոնա»-«Ատլետիկո Մադրիդ» հանդիպումը կկայանա մարտին 4-ին և կմեկնարկի 00։00-ին։