Ցրվենա Զվեզդան պարտվեց Լիլին ու լքեց պայքարը․ Տիկնիզյանը խաղաց 106 րոպե (տեսանյութ)

Եվրոպա լիգայի անցումային փլեյ-օֆֆի պատասխան խաղում «Ցրվենա Զվեզդան» ընդունել էր «Լիլին»։ Թիմերի միջև Ֆրանսիայում կայացած խաղում սերբական ակումբը հաղթել էր նվազագույն հաշվով։

Բելգրադում իրադարձությունները անհաջող դասավորվեցին «Ցրվենայի» համար։ Արդեն 4-րդ րոպեին Օլիվիե Ժիրուն բացեց խաղի հաշիվը։ Մինչ հիմնական ժամանակի ավարտը դարպասի գրավում չարձանագրվեց ու հանդիպումը տեղափոխվեց լրացուցիչ ժամանակ, որտեղ 99-րդ րոպեին Նաթան Նգոյի խփած գոլը որոշիչ եղավ՝ պարգևելով «Լիլին» 1/8 եզրափակիչի ուղեգիր։

Հայաստանի ազգային հավաքականի պաշտպան Նաիր Տիկնիզյանն ընդգրկված էր «Ցրվենա Զվեզդայի» մեկնարկային կազմում ու փոխարինվեց 106-րդ րոպեին։

1/8 եզրափակիչում «Լիլի» մրցակիցները կարող են լինել «Աստոն Վիլան» կամ Լիոնի «Օլիմպիկը»։ Վիճակահանությունը տեղի կունենա փետրվարի 27-ին։