Արարատի ֆուտբոլիստը տեղափոխվել է Գենտ

Երևանի «Արարատի» և բելգիական «Գենտի» միջև համաձայնություն է ձեռք բերվել իվուարցի 19-ամյա հարձակվող Քրիստ Գուռի տեղափոխության շուրջ: Այս մասին հայտնում է երևանյան ակումբի մամուլի ծառյությունը։

«Ցանկանում եմ շնորհակալություն հայտնել «Արարատին» այն ամենի համար ինչ ինձ տվել է աշխատանքի, մտածողության և մնացած բոլոր առումներով։ Շնորհակալ եմ նաև թիմի շուրջ գտնվող բոլոր մարդկանց՝   ակումբի ղեկավարությանը, մարզչական շտաբին ու բոլոր աշխատակիցներին։ Ես իսկապես շատ շնորհակալ եմ ամեն ինչի համար»,- նշել է Քրիստ Գուռը։

Քրիստ Գուռն ընթացիկ մրցաշրջանում «Արարատի» կազմում մասնակցել է Հայաստանի Fastex Պրեմիեր լիգայի 14 խաղի՝ դառնալով 6 գոլի և 1 գոլային փոխանցման հեղինակ։