Netflix-ն ուղիղ եթերում ցուցադրելու է աստղային մենամարտը

Պաշտոնապես հայտարարվել է MMA մենամարտ UFC-ի նախկին չեմպիոնուհի Ռոնդա Ռաուզիի և Strikeforce-ի տիտղոսի նախկին հավակնորդ Ջինա Կարանոյի միջև։ Մենամարտը կգլխավորի Most Valuable Promotions-ի երեկոն, որը տեղի կունենա մայիսի 16-ին Լոս Անջելեսում, տեղեկանում ենք մրցաշարի պաշտոնական էջից:

43-ամյա Կարանոն իր վերջին պրոֆեսիոնալ մենամարտն անցկացրել է 2009 թվականին՝ տեխնիկական նոկաուտով պարտվելով Քրիստիանա Ժուստինուին։ Նրա ցուցանիշն է՝ 7 հաղթանակ ու 1 պարտություն։ Կարանոն հայտնի է նաև մարտաֆիլմերում իր դերերով:

39-ամյա Ռաուզին հանդես չի եկել 2016 թվականից ի վեր, երբ UFC-ի թեթևագույն քաշային կարգի չեմպիոնական գոտու համար մենամարտում պարտվեց Ամանդա Նունյեսին։ Նա ունի 12 հաղթանակ և 2 պարտություն։

Մրցաշարը կցուցադրի Netflix սթրիմինգային ծառայությունը։ Այն MMA-ի առաջին իրադարձությունն է, որը տեսահարթակը կհեռարձակի ուղիղ եթերով։