Իսպանիայի գավաթի կիսաեզրափակչում Բարսելոնան 0:4 հաշվով պարտվել է Ատլետիկոյին

Իսպանիայի գավաթի կիսաեզրափակչի առաջին խաղում Մադրիդի «Ատլետիկոն» սեփական հարկի տակ ընդունել է «Բարսելոնային» և 4 անպատասխան գնդակ է ուղարկել մրցակցի դարպասը:

Յոթերորդ րոպեին հյուրերի պաշտպան Էրիկ Գարսիան դարձել է ինքնագոլի հեղինակ։ 14-րդ րոպեին հարձակվող Անտուան ​​Գրիզմանը մեծացրել է «Ատլետիկոյի» առավելությունը։ 33-րդ րոպեին Ադեմոլա Լուկմանը հաշիվը դարձրել է խոշոր։ Ավելացված ժամանակում հարձակվող Խուլիան Ալվարեսը խփել է մադրիդցիների չորրորդ գոլը։

Երկրորդ խաղակեսի սկզբում «Բլաուգրանայի» պաշտպան Պաու Կուբարսին գոլի հեղինակ է դարձել, սակայն այն չեղարկվել է VAR համակարգի վերանայումից հետո, որը տևել է յոթ րոպե։ Էրիկ Գարսիան կարմիր քարտ է ստացել 86-րդ րոպեին։

Պատասխան խաղը կկայանա մարտի 3-ին Բարսելոնայի «Spotify» «Կամպ Նոու» մարզադաշտում։

«Բարսելոնան» Իսպանիայի գործող գավաթակիրն է։ Նախորդ խաղարկության եզրափակչում թիմը 3-2 հաշվով հաղթել էր Մադրիդի «Ռեալին»: «Բարսելոնան» մրցաշարի ամենատիտղոսակիր ակումբն է՝ 32 անգամ դառնալով Իսպանիայի գավաթակիր: