Պաշտոնական․ Ֆրանսիացի ֆուտբոլիստը հեռացավ Փյունիկից

«Փյունիկից» հեռացել է 30-ամյա պաշտպան Ժոել Բոպեսուն։ Տեղեկացնում է ակումբի մամուլի ծառայությունը։

«Ֆրանսիացի ֆուտբոլիստը մեր թիմին միացել էր նախորդ տարվա հունվարին՝ տեղափոխվելով Վիլնյուսի «Ժալգիրիսից» Ընդհանուր առմամբ, Բոպեսուն «Փյունիկի» կազմում անցկացրել է 14 խաղ, որոնցում դարձել է 2 գոլի և 4 գոլային փոխանցման հեղինակ։ «Փյունիկ» ՖԱ-ն շնորհակալություն է հայտնում Ժոել Բոպեսուին՝ ցուցաբերած պրոֆեսիոնալիզմի համար և մաղթում հաջողություն հետագա կարիերայում»,-նշված է ակումբի տարածած հայտարարության մեջ։

Հիշեցնենք, որ ավելի վաղ Հայաստանի 16-ակի չեմպիոնի կազմը լքել էին Սերոբ Գալստյանը, Դանիլ Պոլյանսկին ու Վագներ Գոնսալվեշը։