Փյունիկը հաղթեց Արարատին․ Նուբիսին՝ դուբլի հեղինակ (տեսանյութ)

Fastex Պրեմիեր լիգայի 15-րդ «Փյունիկն» ընդունել էր «Արարատին» ու հաղթեց 2։0 հաշվով։

Դուբլ գրանցեց Մարիուս Նուբիսին աչքի ընկնելով 67-րդ ու 92-րդ րոպեներին։ Գեղեցիկ ստացվեց հատկապես կամերունցու 2-րդ գոլը, որը նա հեղինակեց կիսադաշտից։ Տեսանյութը՝ այստեղ։

Այս հաղթանակի շնորհիվ «Փյունիկը» վաստակեց 29 միավոր ու բարձրացավ 3-րդ հորիզոնական։ «Արարատը» 3 միավորով վերջին՝ 10-րդ տեղում է։

Հիշեցնենք, որ տուրի մեկնարկային խաղում ԲԿՄԱ-ն չէր հաղթել 9 հոգով մնացած «Գանձասարին», «Ուրարտուն» 2 անպատասխան գնդակ ուղարկեց «Ալաշկերտի» դարպասը։ Այսօր մեկնարկած «Արարատ-Արմենիա»-«Շիրակ» հանդիպումը մնաց անավարտ և կշարունակվի վաղը, իսկ տուրը կեզրափակվի դեկտեմբերի 2-ին կայանալիք «Վան»-«Նոա» խաղով։