Նոան ու Ալաշկերտը հաղթողին չպարզեցին

Fastex Պրեմիեր լիգայի 14-րդ տուրում «Նոան» ընդունել էր «Ալաշկերտին»։ Գրանցվեց 2։2 արդյունքը։

Հանդիպման հաշիվը բացեց Գոռ Մանվելյանը՝ 14-րդ րոպեին դիպուկ իրացնելով 11-մետրանոցը։ 22-րդ րոպեին Դավիդ Սուալեհեն խախտեց խաղի կանոններն ու ուղիղ կարմիր քարտով հեռացվեց խաղադաշտից՝ 11-մետրանոց բերելով իր թիմի դարպասին, որը դիպուկ իրացրեց Կարեն Նալբանդյանն ու վերականգնեց հաշվի հավասարությունը։

38-րդ րոպեին Հովհաննես Համբարձումյանը կրկին առաջ մղեց «Նոային»։ 73-րդ րոպեին «Ալաշկերտը» ստացավ 11-մետրանոցի իրավունք։ Մոմո Տուրեի հարվածը հետ մղեց Տիմատի Ֆայուլուն, սակայն անդրադարձին առաջինը տիրեց «Ալաշկերտի» հարձակվողն ու ձևակերպեց վերջնական հաշիվը։

Այս հանդիպումից հետո Վահե Գևորգյանի գլխավորած թիմը 29 միավորով 2-րդն է։ «Նոան» 22 միավորով եզրափակում է լավագույն հնգյակը։