Առաջին խմբի ներկայացուցիչը հաղթահարեց ԲԿՄԱ-ի արգելքը՝ նվաճելով քառորդ եզրափակչի ուղեգիր

Հայաստանի Գավաթի խաղարկության 1/8 եզրափակչում «Անդրանիկը» Երևանի «Ջունիոր Սպորտ» մարզադաշտում մրցում էր ԲԿՄԱ-ի հետ ու հաղթեց 2։0 հաշվով։

Հանդիպման հաշիվը բացեց Կաի Մորոզումին՝ 10-րդ րոպեին։ 41-րդ րոպեին Խուան Բարենեչին կրկնապատկեց «Անդրանիկի» առավելությունը։

65-րդ րոպեին Ալեքսանդր Պետրոսյանն ուղիղ կարմիր քարտով հեռացվեց խաղադաշտից՝ ԲԿՄԱ-ին թողնելով 10 հոգով։

Այսպիսով, «Անդրանիկը» նվաճեց քառորդ եզրափակչի ուղեգիր՝ միանալով «Նոային», «Արարատ-Արմենիային» «Շիրակին» ու «Ուրարտուին»։

Քառորդ եզրափակչի մյուս ուղեգրերը կվիճարկեն հետևյալ զույգերը՝

• «Փյունիկ»-«Գանձասար», 
• «Սարդարապատ»-«Արարատ», 
• «Սյունիք»-«Կիլիկիա»։