Նարեկ Գրիգորյանը բացեց գոլերի թիվը այս մրցաշրջանում ՝ նպաստելով Ֆարուլի հաղթանակին (տեսանյութ)

Ռումինիայի առաջնության 14-րդ տուրում «Ֆարուլը» հյուրընկալվել էր «Կլուժին» ու հաղթեց 2։0 հաշվով։

Հայաստանի ազգային հավաքականի կիսապաշտպան Նարեկ Գրիգորյանն ընդգրկված էր հյուրերի մեկնարկային կազմում ու փոխարինվեց 82-րդ րոպեին։

Հայ ֆուտբոլիստը նախ փայլուն մասնակցություն ունեցավ «Ֆարուլի» 1-ին գոլային գրոհին, ապա 18-րդ րոպեին գեղեցիկ հարվածով խփեց իր թիմի 2-րդ գոլը։

Այս հաղթանակից հետո «Ֆարուլը» 19 միավորով 7-րդն է ու հաջորդ տուրում կմրցի «Մերկուրյա-Չուկի» հետ, բայց մինչ այդ գավաթային հանդիպում կանցկացնի ընթացիկ մրցաշրջանի առաջատար «Բոտոշանիի» հետ։