Ալաշկերտը հաղթեց Վանին ու վերադարձավ 1-ին հորիզոնական

Fastex Պրեմիեր լիգայի 8-րդ տուրում «Ալաշկերտը» ընդունել էր «Վանին» ու հաղթեց 2։1 հաշվով։

Հանդիպմանը հաշիվը բացեց Մոմո Տուրեն՝ 4-րդ րոպեին։ Առաջին կեսին ավելացրած րոպեներին Դավիթ Կիրակոսյանը վերականգնեց հաշվի հավասարությունը։

Հանդիպման հիմնական ժամանակին ավելացված 5-րդ րոպեին «Ալաշկերտը» վաստակեց 11-մետրանոց, որը դիպուկ իրացրեց Կարեն Նալբանդյանն ու հաղթանակ պարգևեց «Ալաշկերտին»։

Այս հաղթանակից հետո Վահե Գևորգյանի գլխավորած թիմը 18 միավորով վերադարձավ 1-ին հորիզոնական։ «Վանը» 8 միավորով 6-րդ տեղում է։

Հիշեցնենք, որ այս տուրում «Ուրարտուն» նվազագույն հաշվով հաղթել էր «Շիրակին», «Փյունիկը»՝ «Գանձասարին», «Նոան» էլ 2։0 հաշվով առավելության էր հասել «Արարատի» նկատմամբ։ Տուրը կեզրափակվի ԲԿՄԱ-«Արարատ-Արմենիա» խաղով։