Ոչ-ոքի՝ գործող չեմպիոնի հետ. Միրանյանը 4-րդ անընդմեջ խաղն է անցկացրել Իսրայելում՝ առանց փոխարինման

Իսրայելի բարձրագույն լիգայի 5-րդ տուրում «Բնեյ Սախնին» մրցել է գործող չեմպիոն Թել Ավիվի «Մաքաբիի» և ոչ-ոքի՝ 0:0 հաշվով ավարտել հանդիպումը:

Հայ հարձակվող Արթուր Միրանյանը տանտերերի կազմում մասնակցել է ամբողջ հանդիպմանը: Ընդ որում, 4-րդ խաղն անընդմեջ Միրանյանը ամբողջ 90 րոպե է անցկացնում իր թիմի կազմում:

«Բնեյ Սախնին» «Մաքաբիի» հետ գրեթե ողջ խաղը անցկացրել է տասը ֆուտբոլիստով․ առաջին խաղակեսում VAR-ի միջամտությունից հետո կարմիր քարտ է ստացել կիսապաշտպան Գլեյդ Օտանգին, իսկ 90+9-րդ րոպեին «Բնեյ Սախնինի» մեկ այլ խաղացող է կարմիր քարտ է ստացել և նշանակվել է 11-մետրանոց, որը, սակայն, «Մաքաբին» հաջող չի իրացրել:

Այս ոչ ոքին կանգնեցրել է «Մաքաբիի» անպարտելի մեկնարկը․ 5 տուրից հետո թիմը մնացել է 13 միավորով։ «Բնեյ Սախնինը» 4 միավորով 12-րդ տեղում է: