Լեգիան առաջնությունում 1-ին պարտությունը կրեց․ Բիչախչյանը մասնակցեց խաղին

Լեհաստանի առաջնության 5-րդ տուրում «Վիսլա Պլոցկն» ընդունել էր «Լեգիային» ու հաղթեց նվազագույն հաշվով։

Հանդիպման միակ գոլը հեղինակեց Մարցին Կամինսկին՝ 11-րդ րոպեին։

Հայաստանի ազգային հավաքականի կիսապաշտպան Վահան Բիչախչյանն ընդգրկված էր «Լեգիայի» մեկնարկային կազմում ու փոխարինվեց 78-րդ րոպեին։

«Լեգիան», որը 4 հանդիպում է անցկացրել, վաստակած 7 միավորով եզրափակում է լավագույն հնգյակը։

Բիչախչյանի թիմը հաջորդ հանդիպումը կանցկացնի Կոնֆերենցիաների լիգայի փլեյ-օֆֆի շրջանակում՝ մրցելով «Հիբերնիանի» հետ։