ՉԼ. Տիգրան Բարսեղյանի վրիպումը Սլովանին զրկել է փլեյ-օֆֆ փուլի ուղեգրից (տեսանյութ)

Չեմպիոնների լիգայի որակավորման երրորդ փուլի պատասխան խաղում Բրատիսլավայի «Սլովանը» սեփական հարկի տակ ընդունել է Ղազախստանի չեմպիոն «Կայրաթին» և պարտվել հետխաղյա 11-մետրանոց հարվածաշարով:

Հանդիպման հիմնական ու լրացուցիչ ժամանակն ավարտվել է Բարսեղյանի թիմի՝ 1:0 հաշվով հաղթանակով: Հետխաղյա 11-մետրանոց հարվածաշարում արդեն «Սլովանը» զիջել է՝ Բարսեղյանի վրիպման հետևանքով: Տեսանյութն՝ այստեղ:

Արդյունքում «Սլովանը» ելույթները կշարունակի Եվրոպա լիգայում, որտեղ կմրցի շվեյցարական «Յանգ Բոյսի» հետ:

Չեմպիոնների լիգայի փլեյ-օֆֆ փուլում «Կայրաթը» կխաղա Շոտլանդիայի չեմպիոն «Սելթիկի» դեմ։