Մեզ համար կարևոր է ունենալ այսպիսի հեղինակավոր գործընկեր. Տիգրան Մկրտչյանը՝ Unibank-ի հետ համագործակցության մասին

«Ալաշկերտը» սկսել է համագործակցությունը Unibank-ի հետ։

Երևանյան ակումբի փոխնախագահ Տիգրան Մկրտչյանը խոսելով նոր համագործակցության մասին՝ ասել է հետևյալը․ «Ուրախ ենք Unibank-ի հետ համագործակցություն սկսելու համար։ «Ալաշկերտի» համար սա կարևոր և ռազմավարական քայլ է․ հուսալի և երկարամյա փորձ ունեցող կազմակերպության հետ գործընկերությունը բացում է նոր հնարավորություններ ակումբի զարգացման համար։ Unibank-ը իրեն հաստատել է որպես կայուն, պատասխանատու և հարգված գործընկեր, որը կարևոր դեր է խաղում հասարակության կյանքում և աջակցում է նշանակալի նախաձեռնություններին։ Մեզ համար  կարևոր է ունենալ այսպիսի ուժեղ և հեղինակավոր գործընկեր, երբ մենք կառուցում ենք երկարաժամկետ ծրագրեր և սկսում ակումբի պատմության նոր էջը։ Վստահ ենք, որ համատեղ աշխատանքը մեզ ոչ միայն կօգնի ամրապնդել դիրքերը, այլև «Ալաշկերտին» կտանի զարգացման նոր մակարդակի»,-Մկրտչյանի խոսքերն է փոխանցում ակումբի պաշտոնական կայքը։