Ֆերենցվարոշը չհաղթեց Հունգարիայի առաջնության մեկնարկային տուրում․ Սևիկյանը մասնակցեց հանդիպմանը

Չեմպիոնների լիգայի որակավորման 2-րդ փուլում «Նոայի» մրցակից «Ֆերենցվարոշը» Հունգարիայի առաջնության 1-ին տուրում հյուրընկալվել էր ՄՏԿ-ին։ Հանդիպումն ավարտվեց 1։1 հաշվով։

Հայաստանի ազգային հավաքականի ֆուտբոլիստ Էդգար Սևիկյանը փոխարինման դուրս եկավ 79-րդ րոպեին։

Հիշեցնենք, որ «Նոա»-«Ֆերենցվարոշ» դիմակայության 1-ին խաղն ավարտվել էր հունգարական թիմի հաղթանակով։ Թիմերի միջև պատասխան խաղը կկայանա հուլիսի 30-ին՝ Բուդապեշտում։

Հունգարիայի առաջնության հաջորդ տուրում «Ֆերենցվարոշի» մրցակիցը «Կազինցբարցիկան» է, որի կազմը համալրել է Հայաստանի ազգային հավաքականի ավագ Վարազդատ Հարոյանը։