6 հայ բռնցքամարտիկ առնվազն բրոնզե մեդալ է ապահովել կրտսեր տարիքի պատանիների Եվրոպայի առաջնությունում

6 հայ բռնցքամարտիկ դուրս է եկել կրտսեր տարիքի պատանիների Եվրոպայի առաջնության կիսաեզրափակիչ և ապահովել առնվազն բրոնզե մեդալ։

46 կգ քաշային Արտո Բաղրամյանը հաղթել է վրացի մարզիկին, 48 կգ քաշային Դավիթ Դունիամալյանը ուժեղ է գտնվել Ավստրիան ներկայացնող բռնցքամարտիկից։

Հաղթանակներ են տարել նաև 50 կգ քաշային Գագիկ Մանուկյանը, 54 կգ քաշային Մենուա Ուլիխանյանը և 63 կգ քաշային Գագիկ Հարությունյանը։ Ընդ որում Հարությունյանը բելառուս մրցակցին պարտության է մատնել նոկաուտով։

Հայ բռնցքամարտիկներից կիսաեզրափակչում է նաև Ալեն Դանիելյանը, որի մրցակիցը հրաժարվել է պայքարից։