Սևիկյանի գոլը հաղթանակ է պարգևել Ֆերենցվարոշին ընկերական խաղում (տեսանյութ)

Նախապատրաստական շրջան անկացնող «Ֆերենցվարոշն» ընկերական հանդիպում էր անցկացնում գերմանական Բունդեսլիգա 2-ի ներկայացուցիչ «Կարլսռուեի» հետ ու հաղթեց 2։1 հաշվով։

Հայաստանի ազգային հավաքականի կիսապաշտպան Էդգար Սևիկյանը խաղադաշտ դուրս եկավ 74-րդ րոպեին ու 7 րոպե անց խփեց իր թիմի հաղթական գոլը։ Տեսանյութը՝ այստեղ։

Հիշեցնենք, որ հուլիսի 22-ին Հունգարիայի չեմպիոնը կանցկացնի մրցաշրջանի 1-ին պաշտոնական հանդիպումը՝ ՉԼ-ի որակավորման 2-րդ փուլում մրցելով «Նոա»-«Բուդուչնոստ» դիմակայության հաղթողի հետ։