Շերիֆը 4-րդ անընդմեջ հաղթանակը տարավ առաջնությունում․ Սերոբյանը մասնակցեց հանդիպմանը

Մոլդովայի առաջնության 4-րդ տուրում «Շերիֆն» ընդունել էր «Բելցիին» ու հաղթեց նվազագույն հաշվով։

Հանդիպման միակ գոլը հեղինակեց Ամարիլդո Ջոնին՝ 12-րդ րոպեին։

Հայաստանի ազգային հավաքականի կիսապաշտպան Արթուր Սերոբյանն ընդգրկված էր իր թիմի մեկնարկային կազմում ու փոխարինվեց 77-րդ րոպեին։ 

Այս հաղթանակի շնորհիվ Տիրասպոլը ներկայացնող ակումբը վաստակում է 12 միավոր ու միանձնյա գլխավորում է մրցաշարային աղյուսակը։

Սերոբյանի թիմի հաջորդ մրցակիցը «Պրիշտինան» է։ Կոսովոն ներկայացնող ակումբի հետ «Շերիֆը» կվիճարկի Եվրոպա լիգայի որակավորման 2-րդ փուլի ուղեգիրը։ 1-ին խաղում մոլդովական ակումբը հաղթել է 4։0 հաշվով։