Նոան ընկերական խաղում հաղթեց Դունայսկա Ստրեդային

Ուսումնամարզական հավաք անցկացնող «Նոան» ընկերական խաղում մրցում էր Սլովակիայի բարձրագույն խումբը ներկայացնող «Դունայսկա Ստրեդային» ու հաղթեց 2։1 հաշվով։

Հայաստանի չեմպիոնի կազմում աչքի ընկան Գոնսալո Գրեգորիոն ու Գոռ Մանվելյանը։ 2-ն էլ դիպուկ են իրացրել 11-մետրանոցը։

Սլովակիան ներկայացնող թիմը Կոնֆերենցիաների լիգայի որակավորման 2-րդ փուլում կարող է հանդիպել «Ուրարտուին», եթե վերջինս հաղթահարի բելառուսական «Նեման Գրոդնոյի» արգելքը։

Հավելենք, որ «Նոան» առաջիկայում ընկերական հանդիպում կանցկացնի նաև ուկրաինկան «Զարյա Լուգանսկի» հետ։

Այս հավաքի ընթացքում «Նոան» 1-ին ընկերական խաղում 9։0 հաշվով հաղթել է Սլովակիայի 3-րդ դիվիզիոնը ներկայացնող թիմին, ապա 2։0 առավելության էր հասել «Ռադոմլյեի» նկատմամբ։