Նոան երկարաձգեց պայմանագիրն իսլանդացի պաշտպանի հետ

«Նոան» երկարաձգել է պայմանագիրը Գուդմունդուր Թորարինսոնի հետ:

Իսլանդացի պաշտպանը հանդես կգա թիմում մինչև 2025/26 մրցաշրջանի ավարտը։Այս մասին հայտնում են «Նոայի» մամուլի քարտուղարությունից:

Իսլանդիայի հավաքականի կազմում 15 հանդիպման մասնակցած ֆուտբոլիստը «Նոա» էր տեղափոխվել 2024/25 մրցաշրջանի մեկնարկից առաջ և թիմի հետ միասին դուրս է եկել Կոնֆերենցիաների լիգայի Լիգայի փուլ, ինչպես նաև նվաճել է Հայաստանի չեմպիոնի տիտղոսը և Գավաթը։

«Այն ամենը, ինչ ինձ անհրաժեշտ է, այստեղ է։ Առաջ շարժվենք, միասին», – նշել է Թորարինսոնը պայմանագիրը երկարաձգելուց հետո։

«Նոայի» կազմում Թորարինսոնը մասնակցել է 26 խաղի՝ դառնալով 2 գոլի և 5 գոլային փոխանցման հեղինակ։