Սպերցյանը կդիտարկի Լիդս տեղափոխությունը միայն մեկ դեպքում

«Կրասնոդարի» և Հայաստանի հավաքականի ֆուտբոլիստ Էդուարդ Սպերցյանը ցանկանում է ուսումնասիրել իր կարիերան շարունակելու բոլոր հնարավոր տարբերակները ռուսական ակումբից հեռանալու դեպքում, հաղորդում է Metarings.ru-ը։

Ավելի վաղ «Կրասնոդարի» մարզիչ Մուրադ Մուսաևը «Match TV»-ի եթերում հայտարարել էր, որ Սպերցյանը կարող է հեռանալ ակումբից։ Անգլիական «Լիդսը» Սպերցյանի տրանսֆերային լուրերում ավելի հաճախ է հայտնվել, քան մյուսները։

Աղբյուրի փոխանցմամբ՝ Սպերցյանը անմիջապես չի համաձայնվի տեղափոխվել «Լիդս», որը նոր է վերադարձել Պրեմիեր լիգա, բայց ցանկանում է սպասել եվրոպական մրցաշարերում հանդես եկող ակումբների առաջարկներին։ Հայ ֆուտբոլիստի թիմը մտադիր է համաձայնության գալ տրանսֆերի շուրջ հունիսին։

Սպերցյանը «Կրասնոդարի» երիտասարդական թիմի սան է։ Կիսապաշտպանը նախորդ մրցաշրջանում անցկացրել է 35 խաղ, խփել 11 գոլ և կատարել 7 գոլային փոխանցում։

«Կրասնոդարը» 2024/25 մրցաշրջանում վաստակել է 67 միավոր և առաջին անգամ դարձել Ռուսաստանի ֆուտբոլի չեմպիոն։